2進2退,四顧LG九龍維修中心

話說V500左下角有光印，拿去維修中心整，去到,囉票,等叫名.之後講比佢知問題,佢睇一睇,就收咗. 話換MON.
兩日後囉機.第二次上去LG維修中心，等叫名囉機,服務員囉部機比我,CHECK機簽名,咁我信佢地嘛...快快趣趣簽左名走人.
返到屋企發現V500個光印改善咗,但都仲有! 個MON仲送多粒死點比我!!
(好大粒死點啊)

如果剩係得粒死點,保養唔比換,好彩有粒光印.
一星期後,第三次上去維修中心,又比佢地囉去左整,過兩日黎囉,過兩日後,第4次上去......
今次認認真真CHECK MON,完美!!!! 回家....(淚)

頭三次上去,見到個廁所鎖住咗,以為是員工專用，前三次都係走去花園街公廁,
最後一次上去,發現原來鎖匙放係台面任人囉! 失策@@