上年12月入手. 港紙$320 一SET有齊哂基本配件,火牛,棒棒,雞批,AV線...無破解,要自己軟破.
好似好低? 因為當時其他二手賣$400以上, 但諗真啲....其實係咪咁低?
部機6新到,功能正常,但機身有花,但主機唔同掌機,唔需要出街比人望,功能正常能玩就夠.
底坐,無用呀....本身部機都可以打直放,多舊魚....但佢唔送,又覺得成SET唔值$320
點解賣320咁平,我相信是因為這個火牛,220V 轉 110V接WII日本專用110V火牛.
分明係佢自己DIY啦,個220V轉110V是PS2用的火牛,自己改造駁線去WII火牛. 唔係唔用得,不過唔知是火牛定主機問題.
WII通電下,關機狀態是紅燈,如果接USB硬件,紅燈會消失,部機無哂反應,我自己估計火牛唔夠電,一接USB,啲電去哂個硬碟到.
但如果WII已經開機,再接USB硬碟,是正常運作沒問題,既然能玩,我都唔吹毛求瑕.
最重要的問題, 輸出線是送原裝AV線,今時今日你仲用AV線? OUT啦,大個仔啦,我地學多兩條線啦,
S端子和色差線.
(下圖為WII色差線)
畫面清晰度 色差 > S端子 > AV. 如果PS2,我會推薦S端子就夠 (因為PS2輸出是480i),
色差我們當係古代的高清線,PS2的畫面已經唔係靚,你仲高清顯示它的缺點出來...
正所謂一白遮三醜,S端子清晰得黎又唔會咁清晰,岩哂PS2用.
WII支援480p,比ps2的480i畫面好啲,雖然只差個字母,但同樣使用色差, WII畫面靚過PS2. ,咁咪用色差囉...
最後最緊要你部電視支唔支援這些線材,我就要用「色差轉VGA」盒子在電腦MON到玩.
講咗咁耐,解釋你聽點解話320唔低.
個棒棒是舊版,沒內置加速器,雖然支持加速器的遊30隻都無,但其中一隻是薩爾達傳說天空之劍,無理由唔買番個備用.
AV線一定唔岩你用,又要花錢買S端子或色差.
上文講的火牛,如果覺得危險,你又要買番個港版原裝三腳火牛.....
之前我就見到一部WII,$400 一SET. 有色差線,內置加速器棒棒,三腳火牛.....
究竟邊個低啲?
自己要買齊啲配件,當然上淘寶啦.
副廠色差線,香港賣$40,淘寶8蚊人仔,咁計埋運費 (大陸寄大陸集運 8蚊,,集運寄港11蚊)
都係27人仔.
咁唔單止買色差, 加速器,太古等等....WII配件買都買到你傻,就唔好亂咁買....
副廠色差8人仔 ,副廠加速器28人仔,副廠太古58人仔,副廠槍托6人仔....差唔多啦.
完
沒有留言:
發佈留言