家中整生果沙律，用剩一點沙律，於是乎就諗起吞拿魚+沙律 塗方包。
使用香港支付寶優惠卷，平3蚊。
我買了最便宜的百佳吞拿魚，結果……
中伏！！勁難食，食到想嘔，並不是吞拿魚難食，是因為加了「鮮果生律」……
鮮果生律果然只能加在生果上才好味……
之後我再買一支沙律醬，我在普通沙律醬和千島醬之間，選擇了千島醬，哇，啲回憶返哂黎，就係呢種味。
之後再試試千島醬溝生果，味道意外地唔錯，千島醬甜甜酸酸，仲有少少芥辣味，簡單啲講就係食緊附加有芥辣味的生果沙律。
(圖中為油浸)
百佳牌(佳之選)吞拿魚有鹹水浸，植物油浸，初榨橄欖油……
初榨橄欖油仲未試，就唔講住，鹹水浸和植物油浸就冇咩分別，鹹水浸啲味就鹹啲，不過兩款都冇咩吞拿魚味道，唔知是不是所有牌子的吞拿魚都係咁淡味，還是百佳牌垃圾(佳之選平得黎又唔好吃就已經街知巷聞……).
問題是要用來溝沙律，鹹水浸好水……，「沙律醬」都變哂「沙律水」，
油浸會比較好啲，不過落多咗油，都會變「沙律油」……
唯有盡量隔開水和油之後再溝沙律啦。
完
沒有留言:
發佈留言